Директорот на нашето училиште, Диме Мукаетов, заедно со наставникот Ристе Матаков, присуствуваа на свечената церемонија на давање заклетва на 48 нови волонтери од . Овој значаен настан претставува продолжување на долгогодишната и успешна соработка меѓу волонтерите и образовните институции во нашата земја.Имавме особена чест на настанот да бидеме заедно со министерката за образование и наука, проф. д-р Весна Јаневска, претседателката на државата Гордана Силјановска Давкова, министерот за локална самоуправа Златко Пирински и амбасадорката на САД, Анџела Агелер, чиј ангажман го истакна значењето на соработката во образованието и меѓународните партнерства.
Ни претставува задоволство што ООУ „Тошо Велков – Пепето“ беше горд домаќин на дел од идните волонтери. Нашето училиште со радост ги отвори вратите и им овозможи да ја запознаат средината, духот на заедништво и вредностите кои секојдневно ги негуваме.
Во оваа прилика благодарност упатуваме и до Локалната самоуправа при Општина Кавадарци за укажаната доверба и континуираната поддршка во реализацијата на вакви значајни активности.
Им посакуваме на новите волонтери успешна, исполнета и инспиративна мисија!