Денес во училиштето се чуствуваше возбудата на првиот училишен ден, особено возбудата на најмалите ученици – првачињата.
Како што истакна Директорката на училиштето, Г-ѓа Ѓурѓица Алексова, обраќајќи им се на присутните во училишниот хол, а посебно на – првачињата, првиот училишен ден е еден од најзначајните денови во животот на секој човек.
Денот кога полека се зачекорува по патеката која води од светот на децата кон светот на возрасните , чекорејќи по неа чекор по чекор, со секое усвоено знаење.
Обврска на учениците е да бидат одговорни и да учат, а на училиштето да им создаде услови и амбиент за да го градат своето образование и својата личност.
Драги наши првачиња, ви посакуваме успех во вашето образование и среќни училишни денови!!
