Оваа година се навршуваат 33 години од постоењето и работата на нашето училиште кое претставува гордост на секој ученик, наставник и родител. Училиште кое под менаџерската палка на Директорката Ѓурѓица Алексова незапирливо чекори напред и на кое му се несебично посветени со својата работа наставниот кадар, стручните соработници и останатите вработени. Училиште чии ученици учествуваат и нижат големи успеси и освојуваат големи награди.
По прекрасниот настап на учениците во културно – уметничката програма, од страна на Директорката, беа прогласени Првенците на генерација – Блаже Бањански, Душица Колева и Владанка Аврамова. Претставникот на Фондот за талентирани ученици – Катица Јованова во име на сите парнери од бизнис секторот, ги награди и останатите ученици кои постигнале континуиран одличен успех во текот на своето основно образование.
Оваа година за прв пат беше прогласен и најуспешен наставник кое како традиција ќе продолжи и во наредните години. За учебната 2016/2017 год. тоа е наставникот по англиски јазик Весна Јованова.
