Традицијата продолжува и оваа година,кршење на погачка со паричка за среќна и бериќетна година на вработените во нашето училиште!!!За многу години празникот Стара Нова година-Василица,здравје,успех и среќа од Директорката Ѓурѓица Алексова заедно со вработените!!!
Согласно доставената предлог мерка од страна на Комисијата за заразни болести при Министерството за здравство за продолжување на зимскиот распуст, а со цел спречување на опасноста од проширувањето на грипот, Министерството за образование и наука информира дека е донесена одлука првиот ден од второто полугодие на учебната 2016/2017 година, да започне на 23 јануари 2017 година.
Среќна Нова! Директорката и вработените на ООУ „Тошо Велков – Пепето“
Новата 2017год. е на прагот.Новогодишната празнична атмосфера се чувствува и во просториите на нашето училиште.Весели новогодишни песнички,насмеани детски лица,многубројни и задоволни родители се дел од новогодишната –хуманитарна приредба.Нека Новата 2017 година донесе здравје ,срека и успех се честитките од Директорката Ѓурѓица Алексова и вработените во училиштето!!!
Успешно учество на училиштето на манифестацијата Тиквешки гроздобер 2016 кој традиционално се организира секоја година во Кавадарци.
Традицијата и карактеристиките на овој регион беше тема и на поставката со која нашето училиште се престави на свеченото дефиле – МУЗИКА И ВИНО, а Кралицата на водите, Кожуфчанка, претставена преку нашите учесници, исто така беше дел од поставката на училиштето како значаен дел од Кавадаречкиот посебност.
Не треба да ги заборавиме и нашите помали ученици кои беа дел од Детскиот карневал и кои со успешните и живописни маски ги привлекоа погледите на многубројните присутни.
Период на размена: 21.09.2016 – 05.10.2016
Датум на поаѓање: 20.09.2016
Датум на враќање: 06.10.2016
Проект: “Имплементација на Конвенцијата на правата на детето во Република Македонија”
Цел: Учесниците ќе се здобијат со знаења и вештини поврзани со правата на децата, со принципите на меѓукултурниот дијалог и комуникација, анти-дискриминација, меѓусебно разбирање, почитување и толеранција на вредностите помеѓу различните култури.
Одговорности по завршување на интеркултурната размена: Задолжителна вклученост на учесниците во имплементација на активности од акционите планови креирани за време на размената а се директно поврзани со активностите во проектот “Имплементација на Конвенцијата на правата на детето во Република Македонија”.
Финансиско учество на учесниците за размената: 4.650,00 МКД.
Критериуми за учество:
Сите заинтересирани ученици, може да се пријават на веб страната на Коалиција СЕГА www.sega.org.mk најдоцна до 15.08.2016 година. Потенцијалните кандидати ќе бидат контактирани и повикани на интервју во периодот 15.08.-01.09.2016 година.
Доколку имате прашања или потреба од дополнителни информации
обратете се кај одговорниот наставник Ристе Матаков или на е-маил aplikacija@sega.org.mk.
Со пригодна свеченост, основното училиште „Тошо Велков – Пепето“ од Кавадарци го одбележа својот патронен празник.
Празнувањето започна со положување на цвеќе на бистата на Тошо Велков – Пепето лоцирана во Алејата на славните, меѓу кои и од страна на директорката на училиштето Ѓурѓица Алексова, вработените, учениците и претставниците од Локалната самоуправа.
Прославата на патрониот празник продолжи во училишниот хол каде беше организирана и културно-уметничка програма на која беа прогласени и првенците на генерацијата за учебната 2015/2016 год. Првенците Елена Спирова, Стефанија Николова и Ненад Петрески им се обратија на сите присутни, заблагодарувајќи им се пред се на своите наставници за несебичното споделување на своето знаење. За постигнатиот успех, на тројцата ученици директорката Алексова им врачи пригодни подароци нагласувајќи дека се гордеат со нивниот успех, и дека тоа е само уште еден поттик за продолжување кон успехот.
Фондот на талентирани ученици кој во училиштето постои веќе две години и во кој членуваат претставници на бизнис секторот, меѓу кои и од компаниите „Кожувчанка“, „МИ Комерц“ и „Фото Фуџи“ и оваа година ги наградија најдобрите и најталентираните ученици. Првенците беа наградени со таблети, а не беа заборавени и другите талентирани ученици кои исто така добија пригодни награди.
